Man Utd na son Frank

Manchester United na sha'awar dauko Thomas Frank, kocin Brentford, don maye gurbin Erik ten Hag a Old Trafford a karshen kakar wasa, maimakon kocin Ingila Gareth Southgate. (Football Transfers)Duk da haka, akwai labarai da ke nuna cewa masu ruwa da tsaki a kungiyar, Sir Jim Ratcliffe da Ineos, suna nazari kan yiwuwar tsara yadda za a bai wa Ten Hag damar ci gaba da jagorancin kungiyar zuwa sabuwar kakar wasa, tare da shirin cewa za a iya samun wanda zai maye gurbinsa idan akwai bukatar hakan. (inews)Tottenham na fatan kulla yarjejeniyar dindindin da Timo Werner, dan wasan RB Leipzig da tawagar kwallon kafa ta Jamus, mai shekaru 28. (Four Four Two)Arsenal na shirye don biyan Chelsea kudin da ta nema na fam miliyan 51 domin sayen Ousmane Diomande, dan wasan Sporting Lisbon da Ivory Coast, mai shekaru 20. (Record via Sun)Erling Haaland, dan wasan Norway mai shekaru 23, na shirye don nuna bajintarsa a karawar kwata final tsakanin Manchester City da Real Madrid, a kokarinsa na sake siyar da kansa domin samun ci gaba a Spain. (AS - in Spanish)West Ham na fatan Said Benrahma, dan wasanta daga Algeria mai shekaru 28, zai kulla yarjejeniya ta dindindin da Lyon ta Faransa a karshen kakar wasa. (Football Insider)Bayer Leverkusen na cikin kungiyoyin Turai da ke neman Douglas Lukjanciks, dan wasan baya na Ingila da Everton, mai shekaru 16. (Mail)Roberto de Zerbi, kocin Brighton, ya nuna gamsuwa da tayin da Bayern Munich suka yi masa - sai dai kocin daga Italiya bai yi gaggawar yanke shawara game da makomarsa ba. (Mirror)Chelsea na iya fuskantar hukuncin cire maki ko dakatarwa daga Premier League idan aka sameta da laifi a binciken kashe kudade ba bisa ka'ida ba a zamanin Roman Abramovich. (Guardian)Liverpool za ta kalubalanci Manchester United domin sayen Federico Chiesa, dan wasan Juventus da Italiya, mai shekaru 26. (Teamtalk)Masu mallakin Liverpool, Fenway Sports Group da sabon shugabansu Michael Edwards na duba yiwuwar sayen kungiyar Toulouse ta Faransa. (Football Insider)Manchester United ta yanke shawarar sayen Sofyan Amrabat, dan wasan tsakiya daga Moroko, daga Fiorentina kan fam miliyan 17. AC Milan ma na sha'awar dan wasan mai shekaru 27. (Calciomercato - in Italian)Barcelona na shirin tsawaita zaman aron Joao Cancelo, dan wasan Portugal mai shekaru 29, daga Manchester City na tsawon shekara guda. (Marca - in Spanish)Raheem Sterling, dan wasan gaba na Ingila mai shekaru 29, ya taka muhimmiyar rawa wajen tabbatar da Chelsea ta bai wa wani dan wasan Najeriya mai shekaru 18, Hafiz Umar Ibrahim, damar gwaji. (Evening Standard)Everton na sha'awar sayen Omari Benjamin, dan wasan Arsenal mai shekaru 18. (Football Insider)Uu